العربي24
هاد الأيام عبد المنعم بوطويل دار واحد لقاء صحفي ودوا على مجموعة من الأشياء لي كتعرقل التطور دالكورة في المغرب أالبطولة الوطنية ودار واحد المقارنة بين الكورة في المغرب والكورة في جنوب إفريقيا .
من أهم النقاط لي دوا عليها هي طريقة تسيير الهاوية من طرف بعض الرؤساء ، ومجموعة من الأشياء الأخرى .
ولكن أهم حاجة قالها هي أن المدرب ديال مامولودي سانداوز معاه ثلاث مدربين أخرين خدامين وأربع ديال المحللين فيديو وقال أن في السوبر ليغ لي داز ، جوج من هاد المحللين الفيديو مكانوش مع صانداوز ، مشاو كيتفرجوا في جميع المباريات لي تعلبوا ، الوداد ، الأهلي ، سيمبا ، الترجي ... وكيحاولوا يدرسوا نقط القوة ونقط ديال الضعف دالخصم .
هنا كيتبين ليك العقلية دناس كيفاش كتخدم وكيفاش تا صانداوز وصلات لواحد النيفو عالي في التكتيك ، وكيبين ليك أهمية المحلل فيديو في الفرقة .
ميمكنش حنى عدنا في البطولة فرقة واحدة ولا ولا فريق عندو محلل فيديو ، يعني كيفاش بغينا نمشيو بهاد الكورة للقدام وحنى حدنا لاعبين كيتحركو في وسط تيران بشكل عشوائي .
لي غادي يقولي ومن بعد ها جنوب إفريقيا بهاد شي كامل وحنى المنتخب ديانا حسن من ديالها ولا المنتخبات الوطنية بصفة عامة ، منتخب جنوب إفريقيا كيعكس الصورة ديال الدوري عندهم حيت أغلب الاعبين لي في المنتخب ولاد البطولة ، يعني جنوب إفريقيا إلى وصلات لهاد النيفو را بفضل البطولة ديالها ، أما حنى المنتخب عدنا مكيعكش الصورة دالبطولة ، المنتخب في نيفو والبطولة في نيفو آخر .